Европската Комисија за прв пат обезбеди превод на македонски јазик

За прв пат во прес центарот на Европската Комисија,  Извештајот за напредокот на земјите од Западен Балкан се пренесуваше со преводи на јазиците од регионот, меѓу кои се слушаше и македонскиот јазик.

Односно прес конференцијата на еврокомесарот за проширување, Оливер Вархеји се преведуваше и на македонски јазик.

Во најновиот извештај е констатирано дека корупцијата е распространета во многу области и треба да се обезбеди попроактивен пристап од сите чинители вклучени во спречувањето и борба против корупцијата.

Исто така е наведено дека треба да обезбеди одржливо решение за случаите на Специјалното обвинителство и да утврди одговорност за кривичните дела што произлегуваат од и се поврзани со незаконското прислушување.