ЕУ: Итната средба Вучиќ-Курти е за спречување на ескалација и тензии на теренот

Српскиот претседател Александар Вучиќ и косовскиот премиер Албин Курти утре во Брисел ќе учествуваат на итна средба на високо ниво во рамките на дијалогот Белград-Приштина под покровителство на ЕУ.

Фокусот на итната средба ќе биде изнаоѓање излез од актуелната криза и избегнување на каква било понатамошна ескалација и тензии на теренот, со акцент на прашањето за регистарските таблички и враќањето на косовските Срби во косовските институции, соопшти денеска Европската служба за надворешна политика (ЕЕАС) .