Груевски: Добив покана за прославата но не присуствував поради други обврски

Поранешниот премиер и лидер на ВМРО-ДПМНЕ Никола Груевски денеска потврди дека ја примил пресудата за случајот „Тенк“, но не и упатниот акт.

На новинарско прашање дали ќе поднесе жалба, Груевски рече дека ќе ги искористи сите правни механизми кои му стојат на располагање.

Прашан зошто не присуствувал и дали бил поканет на прославата организирана од ВМРО-ДПМНЕ, Груевски кратко одговори дека покана добил, но имал други обврски.

Груевски денеска беше во Кривичниот суд на рочиштето за случајот „Титаник“ каде е еден од обвинетите за изборни нерегуларности.