Автомобил излетал од патот, возачот пренесен во болница

Вчера попладне на регионалниот пат Делчево-Берово, кај село Тработивиште, патничко возило „Фолксваген голф” со беровски регистарски ознаки, управувано од И.Ш.(37) од село Црник, пехчевско, изгубило контрола и излетало од патот.

Со тешки телесни повреди се здобил возачот и бил пренесен во Клиничката болница во Штип, каде му била укажана лекарска помош, а на местото е извршен увид.