Ердоган: Турција се подготвува да го прогласи Израел за „воен злосторник“

Турскиот претседател Реџеп Таип Ердоган во обраќање на масовниот пропалестински собир во Истанбул изјави дека неговата земја се подготвува да го прогласи Израел за „воен злосторник“ поради воените акции во Газа.

Во своето обраќање пред стотици илјади луѓе кои дојдоа на протестот, Ердоган рече дека и западните земји имаат одговорност за смртта која се сее во Газа затоа што не сториле ништо за да ги запрат нападите на Израел.

Ердоган, чија влада неодамна ги обнови целосните дипломатски врски со Израел, ја засили својата критика кон земјата.

Претходно оваа недела, тој тврдеше дека милитантната група Хамас не е терористичка организација.