Ердоган го обвини Бајден дека има „крвави раце“ поради поддршката за Израел

Претседателот на Турција Реџеп Таип Ердоган рече дека претседателот на САД Џо Бајден има „крвави раце“ поради поддршката на Израел во судирот со Хамас.

Ердоган во текот на изминатите месеци се обидува да ги поправи односите со Вашингтон и да се приближи со другите западни сојузници, но тој денес го критикуваше Бајден во телевизиско обраќање во живо.

-Ја пишувате историјата со вашите крвави раце. Вие не приморавте тоа да го кажеме бидејќи не можеме повеќе да молчиме за тоа –  истакна Ердоган.

Тој минатата недела го обвини Израел за тероризам и порача дека ќе го собере светот во одбрана на Газа.