Турскиот претседател Реџеп Таип Ердоган изјави дека израелскиот премиер Бенјамин Нетанјаху повеќе не е некој со кој може да се разговара и рече дека Турција ќе направи се што е во нејзина моќ да го изведе израелското кршење на човековите права и воените злосторства пред Меѓународниот кривичен суд.
Во интервју за време на летот на враќање од официјална посета на Казахстан, Ердоган изјави дека израелскиот премиер Нетанјаху е најодговорен за нападите врз блокираниот палестински Појас Газа и дека неговата поддршка е слаба дури и во самиот Израел.
-Нетанјаху повеќе не е некој со кој можеме да разговараме. Го пречкртавме и го фрливме – рече Ердоган.
Ердоган рече дека Нетанјаху ја губи поддршката од израелските граѓани и дека сака да користи верска реторика за да добие поддршка за масакрите во Газа.