Ердоган ги откажа предизборните собири по совет од доктор

Турскиот претседател Реџеп Таип Ердоган поради здравствени причини ги откажа планираните предизборни собири за денеска и утре.

„Денеска, по совет на лекарот, ќе одмарам дома“, напиша Ердоган на Твитер.

Ердоган доцна синоќа го прекина телевизиското интервју во живо, велејќи дека му е лошо и дека има стомачни тегоби.

Шефот на државата нема да може лично да присуствува на свеченото отворање на нуклеарната централа Акују, а планирал да биде таму во друштво на Владимир Путин.

Нуклеарната централа е изградена од руски компании, а неодамна Путин ја откажа посетата.