Експлозија во складиште за бензин во Нагорно-Карабах, има жртви

Силна експлозија во складиште за бензин недалеку од патот Степанакерт – Аскеран, јавија ерменските медиуми, повикувајќи се на службата за итни случаи на Нагорно-Карабах.

– Има жртви и ранети. Луѓето кои се здобиле со изгореници се пренесени во медицински установи. Спасувачките екипи во моментов работат на лице место – јавуваат ерменските медиуми без да објават детали.

Како последица на експлозијата се повредени неколку стотици луѓе, а има и многу жртви, додаваат.

Потребна е итна воздушна евакуација на ранетите, бидејќи ресурсите на медицинскиот центар во Степанакерт се недоволни, изјавил народниот правобранител на Нагорно-Карабах.