Експлозија во кругот на скопска Железара, тројца повредени пренесени во болница

МВР информира дека денеска дваесет минути по полноќ во СВР Скопје било пријавено дека во погон на фабрика во кругот на поранешна скопска Железара настанала експлозија, при што со повреди се здобиле вработените Р.Ѓ.(41) од с. Студеничани, Скопско, К.Ф.(29) од с. Мојанци, Скопско и Р.С.(33) од с. Долно Количани, Скопско.

Тие биле пренесени во Комплексот клиники „Мајка Тереза“ за укажување лекарска помош.

Се преземаат мерки за расчистување на случајот.