Експлозија на бензинска пумпа во БиХ: Едно лице загина, осум се повредени

Едно лице загина, а осум се повредени во експлозија што се случи на бензинска пумпа во близина на Зворни, Босна и Херцеговина.

Седум повредени лица се пренесени во болницата Зворник, а едно во болницата Лозница, соопшти полицијата на Зворник.

Од седумте повредени во болницата Зворник, петмина се со полесни повреди.

Експлозијата се случила околу 10:40 часот кога автомобил удрил во табла со инструменти за гориво. Објектот на пумпата и неколку возила се целосно изгорени.