Експлозија кај езерото Газивода во Косово

Експлозивна направа била фрлена попладнево во близина на вештачкото езеро Газивода (Ујман), во северозападниот дел на Косово.

Веста во изјава за медиумите ја потврди заменикот директор на полицијата за северниот регион, Ветон Елшани, кој кажа дека експлозијата се случила околу 14 часот и 30 минути.

Елшани информира дека нема повредени, но дека се оштетени најмалку два автомобили.

-Експлозијата се случи зад тунелот број 5. Оштетени се најмалку два автомобили и нема повредени. Засега не се знае каква експлозивна направа е фрлена – изјави Елшани.

Акумулационото езеро Газивода се наоѓа на територијата на Косово, додека помал дел се простира и во Србија.