Едно лице загина во поплавите во Лисабон

Едно лице загина во поплави предизвикани од невообичаено обилен дожд во Португалија, во областа Лисабон, соопшти денеска службата за цивилна заштита.Лицето се удавило во поплавен подрум, а на други места се спасени десетици луѓе.

Во областа Лисабон, поплавата оштети многу автомобили, затворени се неколку железнички станици, тунели, патишта и улици во главниот град.

Додека жителите ја исфрла калта и надојдената вода од зградите, властите почнаа да ја проценуваат штетата иако невремето се уште не поминало.