848
Едно лице загина, а четири други се повредени во денешната сообраќајна незгода што се случи кај селото Страцин во Општина Кратово.
Според информациите од Секторот за внатрешни работи-Куманово, несреќата се случила околу 15:50 часот кај клучката кај местото „Чатал”, спој на регионалниот пат од Општина Кратово со магистралниот пат А2, Куманово-Крива Паланка.
Bо незгодата дошло до директен судир помеѓу две патнички моторни возила, голф со регистарски ознаки од Општина Македонска Каменица и патничко моторно возило марка БМВ, со тетовски регистарски таблички.
За жал, сообраќајната незгода заврши фатално за еден од патниците во возилата кои учествувале во незгодата, а четири лица се здобиле со телесни повреди и пружена им е потребната медицинска помош.
МВР информира дека работи на утврдување на причините за несреќата.