Едно лице загина во Киев откако украинската противвоздушна одбрана пресретна беспилотни летала (UAV) над регионот рано утрово, соопшти градоначалникот на украинскиот главен град Виталиј Кличко.
Според Кличко, телото на маж било пронајдено додека одговорни лица гаснеле пожар во станбена зграда во киевскиот кварт Подил.
Системите за противвоздушна одбрана ги пресретнале руските воздушни напади што почналер рано утрово, соопшти Киевската регионална воена управа на Телеграм.
– Воздушната одбрана оперира во регионот, на периферијата на градот Киев. Останете во засолништа додека не заврши воздушниот напад, предупреди Серхиј Попко, шеф на градската воена управа на Киев.
Кличко пријави штета во неколку делови на главниот град и рече дека две повредени лица во областа Дарница се хоспитализирани.
Ова е трета последователна ноќ на руски воздушни напади врз регионот на Киев.