Две лица се повредени откако денеска се запали автомобил во Аеродром

Автомобилот кој денеска се запали на булеварот „Трета македонска бригада“ претходно се судрил со друго возило, по што се превртил и избил пожар, соопштија од МВР за „Фокус“.

-Денеска (18.07.2023) во СВР Скопје е пријавено дека во 15.50 часот на бул.”Трета македонска бригада” се случила сообраќајна незгода помеѓу патничко возило “опел”, управувано од Д.Т.(52) од Скопје и патничко возило “фолксваген”, управувано од Р.К.(53) од Скопје, двете со скопски регистарски ознаки, при што во возилото “опел” настанал пожар, известија од МВР за „Фокус“.

Во незгодата двајцата возачи се пренесени во болница, каде им се констатирани телесни повреди. Увид врши увидна екипа на СВР Скопје.

К.С.Б.