Две девојки повредени во сообраќајка во Кавадарци

Две девојки биле повредени во сообраќајна несреќа синоќа, кај спортската сала „Јасмин” во Кавадарци, потврдиле утрово за МИА од СВР Велес.

Сообраќајката се случила околу 18 часот. Се работело за патнички автомобил, управуван од 42 годишна кавадарчанка. Во незгодата, со тешки телесни повреди се здобила 24 годишна кавадарчанка, која била пренесена на скопските клиники. Две години помлада девојка од Кавадарци имала телесни повреди и била задржана на лекување во кавадаречката Општа болница.

Доктор Ратко Грков од Итна медицинска помош Кавадарци посочил дека според првите медицински согледувања, едната од девојките имала скршеници, а другата повреди на главата.