Двајца загинати во сообраќајката на патот Гостивар – Кичево

Две лица починаа во сообраќајната несреќа што утрово се случи на магистралниот пат Гостивар – Кичево, кај каменоломите.

Како што соопшти полицијата, во несреќата учествувале „ауди“ со странски регистарски ознаки управувано од 42-годишниот Е.З. од Кичево и „шкода“ со скопски ознаки што ја управувал Ш.Н.(48) од тетовско Камењане.

„Во несреќата, од здобиените повреди, двајцата возачи починале на местото, а смрт констатирале лекари од гостиварската Итна помош“, информираа од СВР Тетово.

Јавен обвинител и екипа од гостиварското Одделение за внатрешни работи извршиле увид на местото.