Двајца загинати во невремето во Црна Гора

Разорното невреме што во текот на денот ја зафати Црна Гора однесе два животи.

Медиумите јавуваат дека работник од Турција загинал на градилиште во Чањ додека работел на кран. Едно лице загинало во близина на Котор.

„Во Луштица загина постар човек од удар на гром на голф терен“, потврдено е за РИНУ во ОКЦ.

Патиштата низ Црна Гора се поплавени, надлежните екипи се на терен. Силниот ветер откорна дрвја, а гранки се расфрлани по патот.

Во Никшиќ силниот ветер предизвикал големи материјални штети на станбени објекти.