Два превртени автомобили во еден ден во македонската метропола

Попладнево се случила сообраќајна несреќа на обиколницата крај Скопје, кога патнички автомобил, кај исклучокот кон Радишани се превртел на коловозот.

Засега нема информации за настрадани, како и за причините за несреќата.

Полицијата е на лице место и врши увид. Поединости се очекуваат подоцна во текот на денот.

И претпладнево слична незгода во главниот град.

На паркинг пред Министерството за економија во скопски Капиштец се преврте автомобил, а засега не е позната причината поради која возилото се најде во необична позиција.