Два нови пожари, огнот во Негорци се доближи на 50 метри од куќите

Центарот за управување со кризи информираше дека попладнево се избувнати два нови пожари. Едниот е во општина Петровец, во атарот на селотор Градманци, а се движи во насока на с.Катлановска Брезница.

Вториот пожар е во атарот на село Негорци, каде што, според директорот на Центарот за управување со кризи, Стојанче Ангелов, огнот се доближил на 50-100 метри од првите куќи.

-Поради загрозеност на луѓе и куќи, итно е пренасочен еден армиски хеликоптер, рече Ангелов.

Ангелов ги повикува жителите на Негорци да ја стопираат линијата на пожарот. Нема потрееба да го гаснат пожарот, туку да учествуваат во негово запирање.