Два големи концерти во Битола во чест на Аки и Тоше!

Концерти во чест на легендарните Аки Рахимовски и Тоше Проески ќе се одржат во Центар за култура Битола на 18-ти и 19-ти февруари.

Ќе настапи Камерниот оркестар на Битола, како и повеќе музички имиња од нашата естрада, а настанатите се насловени – Засекогаш во срцата.

Најавено е гостувањето на Каролина Гочева, Виктор Апостоловски, Димитар Андоновски, Јана Бурческа, Александар Тарабунов, Александра Јанева и други.

Диригент ќе биде Владимир Димовски, а цените на влезниците се уште не се објавени.

Аки Рахимовски кој почина на 22-ри јануари, последниот концерт во Македонија го одржа на ракометното игралиште во Битола, на седми јули лани, заедно со Камерниот оркестар, со наслов Рок симфонија.

Вики Клинчарова