Две лица се обвинети за убиство и заговор за дистрибуција на дрога. Килограм фентанил е пронајден под подлога за спиење во дневен престој во градинка во Њујорк каде едно дете починало, а три биле однесени во болница поради предозирање со дрогата, соопшти полицијата.
Детето кое било во градинка само една недела починало во петокот, а се сомневаат дека се предозирало со дрога, јави Би-Би-Си.
Уште три деца се хоспитализирани откако биле изложени на моќниот наркотик во дневен престој во Бронкс.
Две лица се обвинети за убиство и заговор за дистрибуција на дрога.
Полицијата верува дека децата, на возраст од осум месеци до две години, вдишувале фентанил во дневната градинка.
За време на претресот на дневната градинка, еден килограм фентанил бил пронајден „под душекот каде што претходно спиеле децата“, изјави во понеделникот главниот детектив на Њујорк, Џозеф Кени.
Фентанил, синтетички лек против болки, е 50 пати посилен од хероинот.