Драмски театар со „Се викам Горан Стефановски“ гостува на Фестивал во Ниш

Драмски театар Скопје, со претставата „My Name Is Goran Stefanovski“ – „Се викам Горан Стефановски“ во режија на Бранислав Миќуновиќ ќе гостува на 3-то издание на фестивалот „Театар на раскршќу“ во Ниш.

Народниот театар од Ниш го организира овој фестивал со цел да се афирмираат сличностите и разликите на културниот идентитет на театарската сцена во регионот.

Во натпреварувачкиот дел учествуваат 6 претстави од земјите од Балканот. Градот Ниш позициониран како крстоница на европските и светските патишта со овој фестивал ја промовира уметноста на балканскиот културен простор.

Претставата „My Name Is Goran Stefanovski“ – „Се викам Горан Стефановски“ на Драмски театар Скопје, ќе биде изведена во сабота на 10 септември.