Жена од Флорида, која била пријавена за исчезната од загрижен колега, била пронајдена жива во бродски контејнер откако некој ја слушнал како удира по заклучена врата, соопшти полицијата.
Марлен Лопез (52) била пронајдена во четвртокот попладне „заробена во контејнер лоциран веднаш до претпријатие“ на булеварот Какао, се вели во соопштението на Полициската управа на Какао на Фејсбук.
Последен пат била видена во нејзиниот дом во понеделникот, а била пријавена за исчезната во средата, откако загрижена колешка повикала полиција и изјавила дека не успеала да го земе нејзиниот син.
– Во текот на истрагата детективите биле известени дека жената е пронајдена. Удирала по вратата од контејнерот кога некој ја слушнал и ја отклучил вратата – соопштија од полицијата.
Тајлер Соненберг, кој е сопственик на бродскиот контејнер, изјави за локалната станица VKMG дека првпат ја видел Лопез како шета низ областа во понеделникот. Тој рече дека го заклучил контејнерот, кој се користи за складирање на косилки, во вторникот попладне, а не слушнал никаков шум во средата, пренесува новинската станица.
Соненберг рече дека мисли дека Лопез сама влегла во единицата и се онесвестила. За станицата изјавил дека не е негова вина што Лопез се заглавила во контејнер.
Полицијата соопшти дека се уште истражува како Лопез завршила во контејнер.
