Досега во Газа загинале 7.703 луѓе, од кои 3.500 деца

Министерството за здравство на Хамас денеска соопшти дека 7.703 лица загинале во Појасот Газа од почетокот на војната со Израел пред речиси три недели.

Според Министерството, меѓу загинатите регистрирани од почетокот на војната на 7 октомври има 3.500 деца.

Во претходниот биланс заклучно со вчера беше пријавено дека загинале 7.326 лица.

Министерството за здравство редовно го објавува овој биланс откако Израел ги почна контра-нападите врз Појасот Газа како одговор на нападите на припадниците на Хамас на израелска територија на 7 октомври, кога, според израелските податоци, загинаа 1.400 луѓе, главно цивили.