Дојранчани над 50 отсто излегле на референдум за да ја стопираат изградбата на рудници

Граѓаните на Дојран според првичните резултати одржале успешен референдум бидејќи излезноста е нешто над 50%, па сега ќе се чека пребројување на гласовите и да се види каков е исходот од изјаснувањето за или против нови рудници меѓу кои и тој во Казандол.

Веста ја потврдија од граѓанската иницијатива „Стоп за рудници во југоистокот“ иако Општинската изборна комисија не прецизираше дали е исполнет законскиот цензус 50 одсто плус еден од евидентираните 2747 грагани со право на глас во општина Дојран.