Додиќ: БиХ е пропаднат проект, најдобро да се разделиме!

Лидерот на Република Српска, Милорад Додик, изјави дека БиХ е пропаднат проект и дека најдобро решение за таа држава би било ако Бошњаците, Србите и Хрватите се разделат на цивилизиран начин.

-БиХ нема да може да опстане од истата причина поради која не опстана Југославија. Хрватите и Србите се многу незадоволни, а муслиманите сакаат унитарна држава во која би биле доминантен народ. Нашата политика не е сецесионистичка, но проценуваме дека БиХ нема да успее како држава. Во тој случај, најдобро е да се разделиме цивилизирано – рече Додик во интервју за шпанскиот весник „Ел Мундо“.

Сепак, тој нагласува дека Србите нема да почнат војна за отцепување, туку, како што рече, се посветени на еден политички процес.