Додека сум жив, нe одам во Хрватска на море, вели Вучиќ

Претседателот на Србија, Александар Вучиќ, во интервју за телевизија Прва рече дека повеќе од десетици илјади луѓе годишно летуваат во Хрватска, но додаде дека негов личен став е дека „додека живее“ нема да оди таму на море.

-Оние (граѓаните) кои веќе летуваат таму го искажаа својот став за се, мојот став е дека не би летувал таму и тоа е во ред, секој има свое мислење и тоа е суштината на едно демократско општество – изјави Вучиќ.

Тој додаде дека не сакал да оди на море, туку во Јасеновац, за да покаже почит кон жртвите и дека побарал повторно да го посети местото на страдањето. Вучиќ оцени дека во Хрватска е почната ревизија на историјата.