До крајот на следната недела ќе се трошат донираните вакцини, а потоа Филипче се надева дека ќе стигнат други

До крајот на следната недела, според распоредот на здравствените власти, ќе се трошат 20-те илјади дози руски вакцини коишто ни ги донираше Србија, а дотогаш министерот за здравство, Венко Филипче очекува да стигнат некои од нарачаните дози вакцини.

Како што е познато власта најавува 300.000 дози вакцини да стигнат месецов, 200 илјади кинески вакцини, дел од вакцините порачани пркеу Ковакс механизмот и вакцините на Фајзер. Но точен датум нема и почна да се поставува прашањето дали ќе треба да запре процесот на масовна вакцинација, како што го нарекуваат надлежните, што се одвива во А1 арената во спортската сала Борис Трајковски.