ДКСК да отвори предмет за скандалот „кумска врска“ во Штип, велат од СДСМ

Од СДСМ велат ДКСК да го истражи скандалот „кумска врска“ во општина Штип за тендер за ЈП Исар вреден 20.000 евра.

„Имено општина Штип, предводена од ДПМНЕ и градоначалникот Јорданов ја тресе скандал со кумско-семејна врска за тендерот, кој го има добиено фирма на чиишто сопственици зет за ќерка им е лицето Методи Јорданов, кумашин на градоначалникот Иван Јорданов. За сомнежот да е уште поголем, лицето Методи Јорданов е член и на Управниот одбор на претпријатието ЈП “Исар” коешто ги доделува тендерот“, велат од СДСМ.

Според нив, ДКСК треба да оформи предмет и да утврди, затоа штп постои основен сомнеж за судир на интереси.

„Како тоа тендери од илјадници евра завршуваат кај кумашини, секогаш кога ДПМНЕ е на власт?“, прашуваат од СДСМ.