752
Двајца полицајци од затворска полиција не ги испочитувале протоколите на затворот „Скопје“ во Шутка при вчерашното ослободување на ексдиректорот на УБК, Сашо Мијалков. Уште вчеравечер, директорот на затворот, Филип Андов поведе постапка за утврдување одговорност. Беа преземани низа постапки, а неофицијално, прегледувани се дури и снимките од надзорните камери.
Андов за „А1он“ вели дека е утврдена одговорност, а која доаѓа откако службеник истурка новинарски екипи и ги попречи во работата во моментот кога Мијалков го напушташе затворот.
-Ќе се поведе дисциплинска постапка за двајца службеници од затворска полиција поради не почитување на протоколите за спроведување на притворено/осудено лице до предно стражарско место капија односно рампа. Потврдено дека протоколот е прекршен и се постапувало вон истиот, посочи Андов за „А1он“.