Димитров: Загрижувачки е впечатокот за состојбите во Националната агенција за европски образовни програми

Вицепремиерот за европски прашања, Никола Димитров вечерва на Фејсбук објави реакција за случувањата во Националната агенција за европски образовни програми и мобилност.

-Ги читам вечерва новите информации во серијалот новинарски истражувања околу состојбите во Националната агенција за европски образовни програми и мобилност. Впечатокот е загрижувачки. Итно е потребно целосно расчистување на овој случај.
Мора да се истражат сите наоди и да се открие целата слика, оти за државата само едно нешто е поголем срам од шпекулации за наводна злоупотреба на пари на европските даночни обврзници – а тоа е кога во тие сомнежи би имало вистина, смета Димитров.