Димитров: „Со сила нема убавина“, нема напредок во преговори кога се уценува!

Вицепремиерот за европски прашања, Никола Димитров вели дека не може да има напредок во разговорите за одблокирање на македонските евроинтеграции, бидејќи Бугарија нè уценува и го крши Договорот за добрососедство меѓу двете земји.

„Големиот проблем за напредок во разговорите околу историјата и другите теми  е атмосферата на уцена. И македонскиот народ и бугарскиот народ и другите балкански народи имаат една изрека,која вели  ‘со сила нема убавина’. За вистинска блискост и вистински напредок не може да стане збор ако опстане оваа атмосфера на уцена. Мора да има почит и чувствителност на блискот. Не може да имаме блискост и напредок кога се уценува“, вели Димитров.