Вицепремиерот Никола Димитров од Белград порача дека резултатите од локалните избори не се пречка Македонија да ја напушти иницијативата „Отворен Балкан“. Тој одговараше на новинарско прашање, дали по резултатите на локалните избори постои ризик за учеството на С Македонија во оваа иницијатива, имајќи предвид дека можни се предвремени парламентарни избори и доаѓање на сегашната опозиција на власт, чиј лидер, како што рече новинарката, се изјаснил против оваа иницијатива.
-Интересен е контекстот во кој го споменавте зборот „ризик“ и „лидер на опозицијата“, бидејќи и во мојата глава ризикот го поврзувам со лидерот на опозицијата. Но, треба да кажеме дека секогаш е добро да имаме конкуренција, за тоа кој може подобро… Дури и ако некогаш дојде до промена на власта, што не е невообичаено, бидејќи сме демократија, ќе се следи волјата на граѓаните, а тоа е земјата да оди напред. Затоа не гледам некој брз ризик за мојата земја, РСМ да излезе од оваа иницијатива, изјави Димитров од Белград.
Тој додада и дека владејачките партии освоиле повеќе гласови.
-Ако директно ги поврземе резултатите од локалните избори со Владата, може да се каже дека владејачките партии освоија повеќе гласови од опозициските. И иако ова е хипотетички кажано, тоа значи дека граѓаните сакаат да одат напред, а тоа меѓу останатото значи и добрососедски односи и регионална соработка, изјави вицепремиерот за европски прашања Димитров од Белград.
