Димитриевски: Убеден сум дека ќе добијам поддршка од СДСМ за втор мандат

Кумановскиот градоначалник Максим Димитриевски најави дека ќе оди на втор мандат со поддршка на СДСМ.

-СДСМ е политичка партија која се разликува од другите. Јас сум социјалдемократ и заложник на демократски процедури во партијата. Не остапувам од моите ставови во изминатиот период, затоа што сметам дека се исправни. На отчетот, на моите сограѓани им најавив дека имам намера да побарам поддршка од партијата, и потоа од граѓаните – рече Димитриевски.

Тој на ТВ 21 посочи дека е убеден дека ќе добие поддршка од СДСМ.