Димитриевски: Не сум задоволен, штета што не помогнав на екипата да освои бод!

Македонскиот репрезентативен голман Столе Димитриевски не ги криеше разочарувањето од новиот пораз на Македонија против селекцијата на Украина.

И покрај што одбрани пенал, Димитриевски жали што не успеал да донесе бодови за нашиот национален тим.

„Првото полувреме беше послабо, но во второто полувреме одигравме на едно повисоко ниво. Штета што не успеавме да постигнеме и втор гол. Не сум задоволен, иако одбранив пенал. Жал ми е што не помогнав на екипата за да дојдеме до првиот бод. Треба да се бориме до крај“, истакна Димитриевски.