ДИК: До вчера 11.224 граѓани се провериле во избирачкиот список

Вкупно 11.224 лица до вчера се провериле во избирачкиот список, а поднесени се вкупно 33 барања за запишување, 25 барање за бришење на податоците од избирачкиот список и 19 барања за измена на податоците, информираат денеска од Државната изборна комисија (ДИК).

ДИК известува дека постапката за јавен увид во Избирачкиот список тече и истата ќе трае до 9 септември 2021 година.

До Државната изборна комисија, на е-маил адресата upisis@sec.mk се поднесени вкупно 36 барања.