Џонсон во ненадејна посета на Киев: Украина, ве поддржуваме!

Британскиот премиер Борис Џонсон денеска во Киев се сретна со претседателот на Украина, Володимир Зеленски.

Џонсон објави фотографии од него и Зеленски и напиша „Господине претседателе, Володимир, добро е повторно да се биде во Киев“.

Тоа е втора посета на Џонсон на Киев од почетокот на руската инвазија врз Украина, што почна на 24 февруари.

По средбата, Џонсон и Зеленски го посетија плоштадот „Михајливска“ во украинскиот главен град, каде британскиот премиер им се обрати на граѓаните со зборовите: „Украина, ве поддржуваме“.