Кинескиот лидер Си Џинпинг денеска ќе пристигне на индонезискиот остров Бали на долгоочекуваниот состанок со американскиот претседател Џозеф Бајден.
Двајцата лидери се очекува да разговараат за нуклеарните амбиции на Тајван, Украина и Северна Кореја, прашања кои исто така ќе бидат на агендата на самитот на Г-20 што почнува утре без рускиот претседател Владимир Путин, пренесува Ројтерс.
Пред денешната средба со Си, Бајден во разговор со азиските лидери во Камбоџа рече дека линиите на комуникација на САД со Кина ќе останат отворени, за да се спречи конфликтот и најави тешки разговори во наредните денови.
Според него, САД „енергично би се натпреварувале“ со Кина, истовремено „да се погрижат конкуренцијата да не се претвори во конфликт“.
За време на неговото обраќање пред делегатите на самитот во Источна Азија во Камбоџа, Бајден ја истакна важноста на мирот во Тајванскиот теснец.
Милијардерот Илон Маск, извршен директор на „Tesla Inc“ и „Twitter“, се обрати на бизнис форумот Г20 и рече дека има „премногу работа“.
Шефот на руската дипломатија Сергеј Лавров дојде на самитот на Г-20 на местото на претседателот Путин бидејќи, како што соопштија од Кремљ, „шефот на руската држава е презафатен“.