112
На Фејсбук страницата „Area Marina Protetta Miramare“ е објавена фотографија од загрозен вид ајкула, чие присуство не треба да предизвикува загриженост.
Последен пат, џиновска ајкула (Cetorhinus maximus) беше видена во 2015 година во близина на брегот на туристичкото место Дуино, а сега е снимена во заливот Трст.
Иако големината на овој вид може да биде застрашувачка (тие достигнуваат помеѓу 7 и 8,5 метри), тој се храни исклучиво со планктони и во минимална мера со мали риби.
Тие имаат типичен изглед на морски предатор и често се мешаат со големи бели ајкули.
Сепак, лесно се разликуваат благодарение на огромните вилици со големина до еден метар и страничните процепи кои речиси ја опкружуваат главата.
