Техничкиот премиерот на Македонија, Талат Џафери, вечерва изјави дека премиерот на Косово – Албин Курти, заземајќи страна на изборите во Македонија, го нарушува принципот на немешање во политичкиот живот на земјата.
„Мислам дека не треба да кажам дека е општо познато дека тој директно зазема страна. Иако ја следиме ситуацијата, веруваме дека еден наш сонародник е заинтересиран да биде дел од таа трка. Граѓаните на крајот ќе донесат одлука, мора да ја следиме оваа состојба“, изјави тој за РТВ Дукаџини.
Тој додаде дека „меѓународните правила се такви што не е дозволено да се меша во изборите на друга земја“.
Џафери вели дека би било нормално Албанците да се интересираат за избори во соседните земји каде што живеат нивните сонародници, но според него тоа што го прави Курти е погрешно.
Тој нагласува дека Демократската унија за интеграција (ДУИ) многу остро ги соочи македонските партии со шовинистички тенденции.
– Самите членови на Самоопределување треба да знаат дека ние како ДУИ не сме вклучени во политичкиот живот на Косово и дека сме имале коректни односи со сите политички субјекти на Косово, вклучително и со Самоопределување – рече Џафери.
