Џафери побара од пратениците да не ја мешаат ќерката на Димитров во расправата за интерпелација

by fokus

Претседателот на Собранието, Талат Џафери, неколку пати ги опомена пратениците на денешната собраниска седница да се задржат на она што е тема на расправата, односно на интерпелацијата поднесена за министерот за надворешни работи, Никола Димитров.

Пратеничката од ВМРО-ДПМНЕ, Невенка Стаменковска, зборувајќи за Димитров рече дека можел на своја сметка да ја прати својата ќерка на студии во странство, наместо да бара стипендија од Министерството за образование и наука.

-Граѓаните во Македонија немааt пари за леб, а не па 40.000 евра за да си ги пратат децата на студии во странство – рече Стаменковска.

Собранискиот спикер по тоа им се обрати на пратениците и рече дека не може да ги прекинува, поради што побара од нив да „го остават семејството на Димитров таму каде што е, дома“.

-Зборете за тоа што е тема на расправата, а не за се и сешто – рече Џафери.

Поврзани новости