Претседателот на Собранието Талат Џафери изјави дека не е вистина дека примил каков било допис или каков било материјал од поранешниот премиер Никола Груевски, кој е осуден и е во бегство во Унгарија. Тој ова го кажа во одговор на новинарско прашање по денешната седница на Собранието.
-Како што изјавив и викендов, нема никаква вистина дека претседателот на Собранието од екс премиерот да прими каков било допис или каков било материјал. Тоа е невистина и служи само на дневна политика, како што кажав и претходно. А дека Собранието добива материјали добива од овластени предлагачи во форма која што е пропишана со деловникот, така што понатаму не би сакал да користам несоодветни зборови, кои што заслужува таквата инсинуација, но оставам на совеста на тие што шпекулираат со јавноста, изјави Џафери.
Фото: МИА
