Претседателот на Собранието Талат Џафери на прес конференцијата по донесувањето на Законот за употреба на јазиците не сакаше да го коментира однесувањето на Никола Груевски кој тргна физички да се пресметува со него.
-По однос за однесувањето на пратеникот Никола Груевски, поранешен премиер сметам дека нема потреба јас да го коментирам. Секој кој имал прилика тоа да го види ќе си го каже своето. Од дента од кога ја презедов фукцијата бев свесен за предизвиците. Џафери нема да дозволи Собранието да се претвори во сликата од 27 април 2017 година. Основна надлежност на Собранието е да води процедура според Уставот и Деловникот. Правото на секој граѓанин на протест е изричито право и немам никкава замерка за граѓаните кои беа пред Собранието. Но, однесувањето на пратениците е недозволиво, изгледа не можат да разберат дека се опозиција, рече Џафери.
По однос на уставноста на Законот, тој рече дека тоа може да го оценува само Уставниот суд на Република Македонија.
Џафери прво зборуваше на албански, а потоа превдуваше на македонски. Со дел од новинарите имаше тензичен однос.
