Џафери ги распиша претседателските избори, првиот круг на 21 април

Претседателот на Собранието, Талат Џафери попладнево го потпиша решението со кое се распишуваат претседателските избори. Првиот круг треба да се одржи на 21 април, а вториот круг на 5 мај.

Согласно Изборниот законик, не треба да поминат повеќе од 90 и не помалку од 70 дена од распишување на изборите до денот на нивно одржување. Мандатот на актуелниот претседател Ѓорге Иванов завршува на 12 мај.