Во Белград, 15-годишно девојче кое учело во приватното средно училиште „Руѓер Бошковиќ“ денеска со остар предмет полесно повредило ученик од ова училиште, како и професорка, потврдија за „Данас“ од српското МВР.
Како што е кажано, полицијата добила повик и излегла на местото на настанот.
Полицијата во моментов е со девојката и во тек се консултации со дежурниот обвинител.
Според „Данас“, девојчето е поранешен ученик на ова училиште, од кое дипломирала по месец и половина од почетокот на учебната година.
Таа денеска дошла да ги посети своите поранешни пријатели, па во еден момент извадила мал кујнски нож.
Наставничката и го одзела ножот, и во таа прилика добила мала расекотина, а едно момче било само изгребано.
Ова е четврти инцидент во училиштата, еден ден откако ученик од седмо одделение во ОУ „Владислав Рибникар“ уби девет лица, а рани седум.