Децата беа многу паметни, сакаа да се прошетаат во Истанбул

Наставникот Метуш Мемеди, кој предава во ОУ „Исмаил Ќемали“ веќе 12 години, денеска за време на маршот на учениците, порача дека загубата на 5 ученици од ова училиште за него е еден од најтешките настани.

„Два ученика беа од 9-то одделение, еден ученик во 8-мо, ученик 6-то одделение и мало девојче кое беше второ одделение. Бевме кај фамилијата. Многу беше тажно, не знам што да кажам. Луѓето плачат и дај Боже да помине само со плачење. Децата беа многу интелигентни, сакаа да се прошетаат во Истанбул“, вели Мемеди.