Деца залутале на Водно па побарале помош, полицијата брзо ги спасила

Деца залутале на Водно па побарале помош на бројот за итни случаи 112.

Според пријавата, деца залутале во пределот на Средно Водно. Тие сакале преку земјан пат побрзо да стигнат во градот, но се изгубиле, соопшти Центарот за управување со кризи.

Веднаш била известена полицијата и по релативно кусо децата се најдени во добра здравствена состојба и се превезени до нивните домови во Скопје.