До крајот на денов во нашата држава ќе имаме сончево време, ќе дува слаб до умерен ветер од северен правец. По котлините, особено во текот на претпладнево, и повторно навечер ќе има магла и ниска облачност. Максималните дневни температури на воздухот ќе се искачуваат во интервалот од 6 до 12 степени.
И во текот на следните неколку денови ќе бидеме под влијание на стабилна и сува воздушна маса, времето ќе биде сончево, повремено со мала локална облачност. По котлините ќе има магла и ниска облачност, особено наутро , во предпладневните и повторно во вечерните часови.
Температурите на воздухот нема многу да се менуваат во однос на сегашните, се до викендот кога очекуваме нивно незначително опаѓање. За време на викендот, и тоа особено во недела се очекува повеќе облачност во нашата држава.
Подготви: Славчо Попоски